Díli, 24 Janeiru 2026| Prezidente Komisaun Ezekutiva (PCE), Dr. Paulo da Silva hamutuk ho Komisáriu Ezekutivu Serbisu Tékniku, Eng. Roberto Manuel Marçal, Diretór Rede Transmisaun, Eng. Egídio N. S. Soares, Diretór Planeamento Sistema Elétrica, Eng. Bento Xavier, Diretór Distribuisaun Apoiu Konsumidor, Eng. Zil Nunes Pinto akompaña husi Koordenadór Sub-stasaun Viqueque, Francisco da Silva, sábadu semana ne’e, hala'o enkontru ho tékniku operadór sira, alende ne’e observa direta kondisaun ekipamentu no edifísiu sub-stasaun 20 MVA iha Munisípiu Viqueque.

Durante enkontru, Prezidente Komisaun Ezekutiva, Dr. Paulo da Silva husu operadór sira konsentra halo serbisu ho prestasaun ne'ebé diak hodi kontribui ba dezenvolvimentu setór eletrisidade iha Munisípiu Viqueque.

Dr. Paulo da Silva enkoraza operadór sira tenke aproveita formasaun tékniku ne'ebé EDTL-E.P fasilita nune’e bele dezenvolve kapasidade operasaun no manutensaun ba ekipamentu hirak ne'ebé instala iha sub-stasaun refere.

Relasiona ho kondisaun edifísiu iha sub-stasaun Viqueque PCE orienta kedas Diretór sira hodi toma konsiderasaun nune’e tau iha planu manutensaun.

Média, EDTL-E.P